Lo Carnaval de Geronce qu’ei lo Carnaval mei vielh de Bearn, solide. Desempuish sègles, Geronce e tots los vilatge deu « Josbaig » (la vath deu Joos) qu’an sabut perpetuar la practica de las mascatèras (mascaradas) qui hè lo lor renom pertot capvath l’arribèra deu Gave, de Navarrencs dinc a Auloron.
Deijà coneguda a l’Atge Mejancier, aparten a un vaste ensemble de practica espandudas jusc’a 1945 dins setze despartaments dau miegjorn de França, mai que mai en Lengadòc e en Provença. La mascarada daus Soflaculs de Nontronh qu’a generalament luòc en abriau. Quela fòrma carnavalesca s’inscriu dins lo rituau de circulacion de las bufadas per faire venir la prima.
Lo Carnaval Biarnés qu’estó creat a Pau en 1985 en s’emparar sus las tradicions carnavalescas pirenencas, au seguit d’un carnaval organizat a l’entor d’un seguici de bròs estarit per las annadas 1950. Que s’a volut, desempuish, inscríver dens las datas tradicionaus : la cremacion de Sent Pançard que’s hè lo quite ser de dimars gras.
Carnaval qu’ei ua hèsta hòrt espandida en Euròpa tota e en America deu Sud. Que comença aus Reis qui marcan la fin de las hèstas de Nadau e que s’estanga lo dimèrcs cierrós, debut deu periòde de Quaresma. Marcat per datas deu calendari crestian, lo sens d’aquera hèsta qu’ei tanben ligat au cicle de las sasons, carnaval que marca en Euròpa lo passatge de l’ivèrn a la prima, de l’esterilitat de las tèrras a la remesa en cultura.
