Carnaval qu’ei ua hèsta hòrt espandida en Euròpa tota e en America deu Sud. Que comença aus Reis qui marcan la fin de las hèstas de Nadau e que s’estanga lo dimèrcs cierrós, debut deu periòde de Quaresma. Marcat per datas deu calendari crestian, lo sens d’aquera hèsta qu’ei tanben ligat au cicle de las sasons, carnaval que marca en Euròpa lo passatge de l’ivèrn a la prima, de l’esterilitat de las tèrras a la remesa en cultura.