Desempuish 2005, cada dusau quinzea d’aost, Hestiv’Òc que lauda la lenga e la cultura occitanas e que convida las culturas deu Sud a s’encontrar a Pau, capdulh deu Bearn. Aquera manifestacion màger de l’estiu biarnés que tira de cap au hestau e a la hèsta patronau. Hestiv’Òc qu’ei atau vadut, uei lo dia « las hèstas de Pau ».
Creat en 1990, lo Hestenau Musicalarua se ten tot an suu miei d’aost a Lucsèir. Aquith petit vilatge de las Lanas qu’arrecuelha mei de 60 gropes de musica, tropas e companhias per tres o quate jorns e nueits entèiras de hèsta.
Haut lòc deu jazz, de l’improvisacion amei deu happening, lo Hestenau d’Usèsta, creat en 1977, es lo lòc de totas las oralitats.
L'annada 1967 que ved la creacion deu Hestau de la Canta Bearnesa a Siròs vilatjòt de l’arribèra deu gave de Pau, au ras de Lescar, qui aplega dinc a 15 000 personas e vad en quauquas annadas l’actor de non pas mancar de la lenga e de la cultura bearnesas. Desdempuish aquera data, cada 4au dimenjada de seteme, lo vilatge qu’ei lo rendetz-vos deus grops de cantas, cantaires solets, contaires e amators.
