Lo tamborin qu’ei un instrument de còrdas tustadas qui hèn duas nòtas a la quinta dab un acòrd la/mi o sòl/re qui’s defineish au par de la tonalitat de la flabuta de tres horats qui l’acompanha. Entornejat e mantiengut peu braç esquèr qui hè de la flabuta, lo tambor-bordon qu’ei tustat peu pimbo. Tienut dens la man dreta, lo pimbo qu’ei ua onomatopèa deu son e deu ritme hèits "pim-bo, pim-bo".